केदार दहाल
तामाकाेसी /दोलखाको तामाकोसी गाउँपालिका स्तरिय छैटौं राष्ट्रपति रनिङ शिल्ड प्रतियोगिताको उपाधी सितापाइला मावि जफेले जितेको छ ।
अमर मावि र जनप्रभात माविको व्यवस्थापनमा तामाकोसी गाउँपालिकाले आयोजना गरेको प्रतियोगितामा ६ स्वर्ण र २ रजत गरी ८ पदकका साथ सितापाइला माविले उपाधी हात पारेकाे हो । त्यसैगरि प्रतियोगितामा गाेल्मेश्वर माविले ५ स्वर्ण, ३ रजत र ४ कास्य गरी १२ पदकका साथ आफूलाई दोस्रो स्थानमा र खिम्ती प्राेजेक्ट माविले ५ स्वर्ण, २ रजत र १ कास्य गरी ८ पदक सहित तेस्रो स्थानमा रहन सफल भएकाे छ।
विज्ञापनका लागि उपलब्ध
तपाईंको विज्ञापन यहाँ देखिन सक्छ।
प्रतियोगितामा प्रथम, द्वितीय र तृतीय हुनेलाई क्रमश ३० हजार, २५ हजार र २० हजार नगद सहित शिल्ड, मेडल र प्रमाणपत्र पुरस्कार दिइएको छ। विजेता तथा खेलाडीहरुलाई गाउँपालिकाका अध्यक्ष प्राेण प्रताप के सि, उपाध्यक्ष सृजना खड्का सुवेदि र वडा नं. २ का वडा अध्यक्ष श्री इश्वर राज कार्की लगायतले पुरस्कार वितरण गर्नुभएको थियो ।
गाउँपालिका शिक्षा शाखाका कर्मचारी श्री हिमाल कार्की का अनुसार यही मंसिर २८ गतेबाट सुरु भएको राष्ट्रपति रनिङ शिल्ड प्रतियोगिताको बागमती प्रदेशका आर्थिक मामिला तथा याेजना मन्त्री कुन्दन राज काफ्लेले उद्घाटन गर्नुभएको थियो । प्रतियोगितामा तामाकाेसि गाउँपालिका भित्रका १० वटा माध्यमिक विद्यालयको सहभागिता रहेको थियो ।
प्रतिक्रियाहरू (०)
अहिलेसम्म स्वीकृत प्रतिक्रिया छैन। पहिलो प्रतिक्रिया दिनुहोस्।
Kedar Dahal
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_alt
