सुनखानी,२८ मंसिर/कालिञ्चाेक गाउँपालिका स्तरीय विज्ञान प्रदर्शनीमा कालिका मावि सुन्द्रावतीका विद्यार्थी उत्कृष्ट भएका छन् । कालीनाग मावि सुनखानीमा भएको पालिकास्तरीय विज्ञान प्रदर्शनी प्रतियोगिता आयोजना भएको थियाे ।
प्रदर्शनीमा वातावरणीय सन्तुलन कायम गर्दै ऊर्जा उत्पादन र वितरण सम्बन्धि एकीकृत प्रणालीकाे कालिका माविका विद्यार्थीले प्रदर्शनीमा भाग लिएका थिए ।
प्रतियोगितामा कालीनाग मावि सिंगटीले दाेस्राे र कालीनाग मावि सुनखानीले तेस्रो स्थान हाँसिल गरेका छन् । ११ वटा माध्यमिक विद्यालय मध्ये ५ वटा विद्यालयका विद्यार्थीले भाग लिएका थिए । विद्यार्थीहरूले प्रदर्शनीमा हरित ऊर्जा, खगाेल विज्ञान, स्मार्ट सिटी जस्ता घरायसी प्रयाेगमा रहेका सामग्री प्रयोग गरेर विभिन्न आविष्कार गरेर प्रदर्शनीमा राखेका थिए ।
पालिकामा उत्कृष्ट विद्यालयका प्रदर्शनीलाई साेमबार चरिकोटमा हुने जिल्लास्तरीय प्रतियोगितामा सहभागी गराइने कालिञ्चाेक गाउँपालिकाका शिक्षा शाखा प्रमुख विष्णु आचार्यले जानकारी दिए ।
पालिकास्तरीय प्रतियोगितामा कालिञ्चाेक गाउँपालिकाका उपाध्यक्ष कुलबहादुर बुढाथोकीले विजयी विद्यार्थीहरूलाई पुरस्कार र प्रमाणपत्र वितरण गरे । गाउँपालिकाका सामाजिक विकास प्रमुख तथा वडा नं ७ का वडाध्यक्ष राम पाण्डेको अध्यक्षतामा भएको कार्यक्रममा वडा नं ८ का वडाध्यक्ष सुर्यबहादुर आचार्य, कालिनाग माविका विद्यालय व्यवस्थापन समिति अध्यक्ष रामकृष्ण शिवाकोटी, कालिनाग माविका प्रधानाध्यापक ऋषिराम शर्मा, विद्यार्थी सहभागी विद्यालयका विज्ञान शिक्षकहरूलगायतको सहभागीता थियाे ।
विज्ञापनका लागि उपलब्ध
तपाईंको विज्ञापन यहाँ देखिन सक्छ।
प्रतिक्रियाहरू (०)
अहिलेसम्म स्वीकृत प्रतिक्रिया छैन। पहिलो प्रतिक्रिया दिनुहोस्।
Nabin Kumar Khatiwada
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_alt
