जिरी/दोलखाको जिरी नगरपालिका वडा नं ७ का ३५० जना विपन्नलाई न्यानो कपडा ज्याकेट वितरण गरिएको छ । नेकपा माओवादी केन्द्र जिरी नगर ७ नम्बर वडा कमिटि जिरीको पहलमा न्यानो कपडा वितरण कार्यक्रम सम्पन्न गरिएको हो । नेकपा माओवादी केन्द्र ७ नम्बर वडा कमिटि जिरीले आयोजना गरेको न्यानो कपडा वितरण कार्यक्रमका प्रमुख अतिथि जिरी नगर कमिटि माओवादी केन्द्रका सचिव केन्द्र ज्योती खड्काले जनताको समस्यामा माओवादी केन्द्र सधैं साथमा रहेको बताए ।
उक्त न्यानो कपडा वितरणको लागि प्रेम पूर्ण प्रताप फाउण्डेशन दोलखा मार्फत हाल अमेरिका बस्ने दोलखाली चेली पदम प्रधान ले नगद रु २ लाख सहयोग गरेकि थिइन । बढ्दो चिसो मौसमलाई मध्यनजर गर्दै न्यानो कपडा ज्याकेट वितरणगर्न पहल गरिएको माओवादी केन्द्रका नेता शान्ता नेपाली ले बताए । न्यानो कपडा विशेष गरि बृद्धबृद्धा, अपाङ्ग, एकल महिला तथा विपन्न लाई वितरण गरिएको छ ।
विज्ञापनका लागि उपलब्ध
तपाईंको विज्ञापन यहाँ देखिन सक्छ।
न्यानो कपडा वितरण संगै फाउण्डेशनले आगामि शैक्षिक सत्र देखि ५ जना विपन्न बालबालिकालाई निशुल्क कक्षा १२ सम्म पढाईदिने सम्मको व्यवस्था मिलाईएको माओवादी केन्द्र जिरी नगरकमिटि उपाध्यक्ष नोर्बु शेर्पाले जानकारी दिए । शनिवार सम्पन्न कार्यक्रममा माओवादी केन्द्र काठ्माण्डौं सम्पर्क मञ्चका सदस्य कर्मा शेर्पा लगाएतले मन्तव्य राखेका थिए भने कार्यक्रम नेकपा माओवादी केन्द्र ७ नम्बर वडा कमिटि का वडा अध्यक्ष हस्त जिरेलको सभापतित्वमा सम्पन्न भएको थियो ।
प्रतिक्रियाहरू (०)
अहिलेसम्म स्वीकृत प्रतिक्रिया छैन। पहिलो प्रतिक्रिया दिनुहोस्।
Friendship Khabar
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_alt
