चरिकोट/नेकपा एकीकृत समाजबादी निकट शिक्षक हरुको संगठन प्रगतिशील नेपाल राष्ट्रिय शिक्षक संगठन दोलखाको अध्यक्षमा कमल कार्की र नेपाल बुद्धिजीवी परिषद समाजबादी दोलखाको संयोजक मा सिताराम दहाल चयन भएका छ्न।
शनिबार दोलखा सदरमुकाम चरिकोटमा सम्पन्न शिक्षक तथा बुद्धिजीवी को भेलाबाट कालिनाग मावी सुनखानीमा कार्यरत शिक्षक कमल कार्कीको अध्यक्षतामा ४५ सदस्यीय जिल्ला कार्यसमिति निर्वाचित गरेको हो भने वैतेश्वर ५ काब्रे निवासी सिताराम दहालको संयोजकत्वमा नेपाल बुद्धिजीवी परिषद समाजबादी जिल्ला सम्मेलन आयोजक समिति चयन गरेको हो ।
विज्ञापनका लागि उपलब्ध
तपाईंको विज्ञापन यहाँ देखिन सक्छ।
प्रगतिशील नेपाल राष्ट्रिय शिक्षक संगठन दोलखाको पदाधिकारीमा हरुमा उपाध्यक्ष कालिनाग मावि सिंगटीमा कार्यरत शिक्षक नीर बहादुर बस्नेत महिला उपाध्यक्षमा कालिका मावी मार्बुमा कार्यरत शिक्षक पुष्पा दहाल चौलागाईं,सचीव राजकुलेश्वर निमावि मा कार्यरत शिक्षक प्रकाश दहाल र कोषाध्यक्षमा हनुमन्तेश्वर माविमा कार्यरत शिक्षक शंकर बस्नेत निर्विरोध निर्वाचित भएका हुन।
शिक्षक तथा बुद्धिजीवी भेलामा शुभकामना मन्तव्य राख्दै नेकपा एकीकृत समाजबादीका केन्द्रिय पोलिट्ब्युरो सदस्य शिव प्रसाद भण्डारीले शैक्षिक क्षेत्रका विकृति, शैक्षिक माफियाका विरुद्ध लड्न सक्ने सक्षम नेतृत्व सहित प्रगतिशील नेपाल राष्ट्रिय शिक्षक संगठन दोलखाको स्थापना भएकाले दोलखाको लागि शैक्षिक क्षेत्रको ऐतिहासिक दिन भएको बताउनुभएको छ। भेलामा नेकपा एकीकृत समाजबादीका केन्द्रिय लेखा आयोगका सदस्य एंव नेपाल राष्ट्रिय शिक्षक संगठनका पुर्व जिल्ला अध्यक्ष भुवन सिं थापा,नेकपा एकीकृत समाजबादीका जिल्ला कमिटी उपाध्यक्ष भुवन केसि,सचीव प्रोण प्रताप केसि,शिक्षक संगठनका नेता जय बहादुर पाख्रीन लगाएतले शुभकामना मन्तव्य राखेका थिए।नेकपा एकीकृत समाजबादी दोलखाले पार्टी निकट जनसंगठन निर्माण लाई तिव्रता दिइरहेको जिल्ला कमिटी सचीव प्रोण प्रताप केसिले जानकारी दिनुभयो।
प्रतिक्रियाहरू (०)
अहिलेसम्म स्वीकृत प्रतिक्रिया छैन। पहिलो प्रतिक्रिया दिनुहोस्।
Friendship Khabar
विगत डेढ दशकदेखि नेपालको समष्टिगत अर्थतन्त्र, मौद्रिक नीति, वित्तीय सुशासन तथा नीतिगत सुधारका क्षेत्रमा खोजी पत्रकारिता गर्दै।
लेखकका अन्य लेख तथा विश्लेषणहरू arrow_right_alt
